Во светот постојат жени кои со своите мајчински приказни предизвикуваат восхит, но и дебата. Најстарите жени кои станале мајки се пример за тоа како медицината ги поместува границите, но и како општеството реагира на таквите случаи.
Една од најпознатите е Марија дел Кармен Бусада де Лара од Шпанија, која во 2006 година, на 66 години, стана мајка на близнаци преку ин витро фертилизација (IVF). Таа се обратила до клиника во САД, тврдејќи дека има 55 години за да добие пристап до третман. Бусада почина само три години подоцна од рак, отворајќи етички прашања за возраста и одговорноста на родителите кон децата.
Друг пример е Еррамати Мангајама од Индија, која во 2019 година, на 74 години, роди близнаци по долгогодишни обиди за бременост. Оваа приказна привлече внимание ширум светот, но истовремено предизвика загриженост за здравјето на мајката и долгогодишната грижа за децата.
Од пред неколку дена, и Македонија има ваков случај каде 61-годишна жена го роди своето прво дете. Според информациите, жената породена на скопската Гинеколошка клиника важи за најстарата жена во земјава што го родила своето прво дете.
Повеќе прочитајте ТУКА!
Медицинските достигнувања, како што е IVF, овозможуваат на жените во доцна возраст да го исполнат сонот за мајчинство. Но, со ова доаѓаат и етички дилеми: дали е морално да се продолжува мајчинството во толку доцна возраст? Кои се импликациите за детето и за семејството?
И додека науката напредува, општеството продолжува да дискутира за границите на мајчинството, поставувајќи прашања за тоа каде треба да се повлече линијата помеѓу можностите и одговорноста.
