Да се избере некого за кум е голема одлука, а од друга страна е многу голема одговорност кога некој не избира за оваа важна улога.
За жал, во денешно време првата мисла кога некој ќе не праша дали сакаме да бидеме кум/кума, е дали имаме доволно пари за целосно да ја оправдаме оваа улога во животот на нашите најблиски.
Кај нашиот народ со векови постои изреката „Кумството не се отфрла“, а еве какви последици те очекуваат ако ја одбиеш оваа важна улога, според старото народно верување:
Едно од верувањата е дека ако одбиеш да бидеш кум на свадба, несреќата ќе те следи низ животот и никогаш нема да ја најдеш својата сродна душа, затоа што си одбил да сведочиш пред Бога и луѓето за бракот на две лица.
Некои веруваат дека покрај љубовната несреќа, отфрлањето на кумот му носи осаменост до крајот на животот, а човекот кој го одбил кумот нема да има вистински пријател покрај себе.
„Кумот е човек од доверба, најчесто најдобар пријател. Ако некој што не ви е близок ве покани за кум, логично е дека ќе се двоумите. И затоа е најдобро да бидеме искрени“ – вели архимандрит Никитовиќ.
Друго популарно верување е дека мажот кој одбива да биде кум на крштевањето на детето, никогаш нема да има дете. Со други зборови, тој нема да може сам да има деца и да го прошири своето семејство, бидејќи не е подготвен да преземе една голема духовна обврска.
„ Таман работа! Тоа се обични суеверија што се кршат со православието. Кумот треба да биде духовен водич на својот кум. Да го води низ животот и да биде поддршка. А како може ако не сака“ – прашува Никитовиќ.
Тој додава дека кумството сега е сосема поинакво од претходно. Старите кумови беа повеќе одржувани и на некој начин посилни, додека денес овој чин се гледа повеќе низ еден вид материјална призма.
„Лесно може да се случи мажот да избере кум според неговата финансиска состојба, за во блиска иднина да стекне корист за себе. Па, ни тоа не е втемелено во православието“ – јасен е архимандритот.
