Кога ќе исцедат освежителен сок од лимон, луѓето обично ја фрлаат кората во кофа, не знаејќи дека може да се искористи на феноменален начин.
Лимонот, покрај сода бикарбона и оцет, е одлично природно средство за одржување на хигиената во домаќинството – ефикасен е, безбеден и дава пријатен мирис. Штом ја почувствувате свежината на цитрусот, ќе добиете дополнителна желба за чистење, која често ни недостасува.
Корисникот на TikTok, Армен Адамјан, кој има 4 милиони следбеници на оваа социјална мрежа, покажа како се прави ефективно средство за чистење без премногу хемикалии, а одлично е за отстранување на маснотиите од шпоретот, за совршен сјај на стаклените површини, како и за отстранување вага во кујната и бањите. Најдобро од сè е што се прави за само неколку минути.
Состојки:
- сечкана кора од лимон
- 1 лажица сол
- половина чаша оцет
- 1 лажичка детергент
- шише со спреј
Подготовка:
Кога го користите лимонот, остатокот од кората исечете ја со нож на парчиња и ставете ја во шишето. Потоа истурете половина шолја оцет, малку детергент за миење садови и горе прелијте со вода. Зашрафете го капакот на шишето со спреј, добро протресете сè и вашето средство за чистење е подготвено. Едноставно испрскајте го на површината што сакате да ја исчистите, почекајте неколку минути и избришете ја со влажна крпа. Резултатот ќе ве воодушеви.
