„Францускиот предлог е најсериозниот предлог што Бугарија го добила досега за решавање на спорот со Република Северна Македонија, бидејќи за првпат се предлага Бугарите да бидат вклучени во уставот на РСМ како услов за првата меѓувладина конференција. Ова е содржано во нацрт-заклучоците на Европскиот совет“.
Ова во студиото на БТВ го изјави поранешната министерка за надворешни работи Надежда Нејнски.
Според неа, мора да и се оддаде почит на Франција, иако овој предлог и припаѓа на целата ЕУ.
„За Бугарија е многу важно да може да го контролира процесот на спроведување на договорот со РСМ“, додаде Неински.
Според неа, за да биде силна бугарската позиција, таа мора да биде обединета.
„Да се подготви во бугарскиот парламент. Очекувам премиерот да го каже својот став пред да започне дискусијата, тоа е нормално. За да го каже својот став, мора да има одлука на Советот на министри“, рече таа.
Според неа, владите на Бугарија и на РСМ треба да знаат дека моментот е историски и мора да имаат храброст да направат силно лидерство.