Една од најпопуларните некогашни поп групи АББА вчера го претстави својот нов албум „Voyage“ по дури 40 години.
„Снимивме нов албум“, изјавија Бјорн Улвеус (76) и Бени Андерсон (74), претставувајќи го албумот во Лондон, каде што изведоа една од новите песни „I Still Have Faith in You“.
Албумот официјално ќе излезе на 5 ноември.
Шведскиот група беше многу активна од 1972 до 1982 година, а покрај Улвеус и Андерсон, групата ја сочинуваа и Ани-Фрид Лингштад (75) и Агнета Фалтског (71).
Поп групата, исто така, најави турнеја, но виртуелна со холограми на членовите.
Со песната „Waterloo“ во 1974 година, АББА победи на Евровизија, а остана запаметена по хитовите како „Dancing Queen“, „SOS“, „Mamma Mia“, „Money, Money, Money“, „Take A Chance On Me“ и други.
