Познатиот фолк пејач Мирослав Илиќ гостуваше во емисијата „Премиера – викенд специјал“, а по тој повод во разговор ги сумираше клучните моменти од кариерата, се потсети на починатите колеги и пријатели.
Тој зборуваше и за Македонија, каде вели дека се оженил.
„Се оженив во Македонија. И еве ме на 50“ – вели Илиќ и се навраќа на претстојниот концерт во Македонија.
„На концертот во Македонија планирам да испеам неколку македонски песни. Зборувам и македонски. И јас со нетрпение очекувам да ја јадам нивната храна. Воопшто не ми беше јасно. Малку печен пипер, малку масло, малку оцет, прсти да се излижат. Истото го правам и дома и не е тоа. Не знам што е тајната. Добив ајвар, се влечеше ден-два во куќата, толку траеше. Сакам да готвам, но не добивам често шанса. Жената вели дека е вкусно, но потоа и требаат 3 часа да го среди нередот. Мислам дека никој подобро од мене не подготвува чорба од бечар. Вториот е свинскиот ќебап. Ставете малку помрсно месо, кромид и малку лута пиперка“, вели Илиќ.
Пејачот се осврна и на маките кои ги имал пред еден концерт.
„Пред моите два концерта добив дијареа, некаков стомачен вирус. Мојот пријател доктор дојде и ми поврза инфузија и бев како нов. Никој не знаеше во каква неволја се наоѓам. Мојот најболен момент беше кога бев во пелени на сцената. Мајка ми почина кога имаше 47 години и сè уште ми е многу болно. После тоа долго време немав концерти, но имав пријател кој ми помогна да продолжам“ – рече Мирослав и откри како ја одржува виталноста.
„До ден денес денот ми започнува со гимнастика. Склекови, стомачни и трчање. Секој ден ми почнува така. Тоа ми остана од средношколските денови. Има и генетика. Секој ден ми започнува со вежби. Мојата сопруга сигурно гледа сега, таа е опасна жена, таа не е Пенелопе што ме чека да се вратам дома. Чека да ми каже: „Ова не ти требаше, можеше вака, можеше така…“ – изјави тој.
