Европските научници велат дека направиле голем пробив во нивните напори да донесат практична примена на нуклеарната фузија, енергетски процес кој постојано се случува на ѕвездите.
Британската лабораторија „Џет“ го надмина досегашниот рекорд во количината на енергија што можат да ја извлечат од фузија на два атоми на водород.
Ако процесот на нуклеарна фузија се примени на Земјата, би можело да има неограничени извори на чиста енергија.
Nuclear fusion could provide a continuous source of low carbon energy if we ever get it to work, and a record-breaking attempt suggests we are one step closerhttps://t.co/KGL6GSCkaO pic.twitter.com/D0VxKnFdUG
— New Scientist (@newscientist) February 9, 2022
Експериментот произведе 59 мегаџули енергија за 5 секунди, или 11 мегавати електрична енергија.
Тоа е двојно повеќе од слични проби во 1997 година.
Тоа не е огромно количество енергија, но важноста на успехот ги потврдува одлуките донесени при изградбата на уште поголем реактор што се гради во Франција.
„Овие експерименти нè доближуваат до фузијата. Покажавме дека можеме да создадеме мала ѕвезда во нашата машина и да ја одржуваме 5 секунди, што отвора големи можности“, рече Џо Милнс, главен оперативен директор во Jet Lab.
