Француските демонстранти „жолтите елеци“ денеска повторно направија хаос низ Франција, откако зазедоа неколку патарини, а дел од нив ги запалиле.
Најголемиот француски оператор за патарините „Винци Ауторутес“, соопшти дека денеска на 40-тина локации на нивната мрежа и неколку патарини се многу оштетени, посебно на југот на Франција.
Наплатната станица Бандол, источно од Марсеј е запалена, а автопатот А50 е затворен.
„Возачите да бидат крајно внимателни кога се приближуваат кон наплатните рампи како и на влезовите на автопатиштата“, пишува во соопштението на „Винци“.
Штетата се проценува на 10 милиони евра од почетокот на протестите до сега.