Најдобриот светски тенисер Новак Ѓоковиќ се пласираше во полуфиналето на Австралија опен откако денеска по речиси четири часа борба победи против Американецот Фриц (7:6, 4:6, 6:2. , 6:3).
Ѓоковиќ сега го чека подоброто од мечот меѓу Италијанецот Јаник Синер и Русинот Андреј Рубљев.
На Ѓоковиќ му требаа два и пол часа игра за да го направи првиот брејк бидејќи пред тоа пропушти 15 можности. После тоа успеа да го прекине мечот во своја полза.
„Фриц играше квалитетен тенис, погоди блиску до линијата и ме принуди да бидам во игра. Тешко беше да го погодам тајмингот, сонцето беше силно. Уморен сум и исцрпен. Голем аплауз за Фриц, тој заслужи Играше фантастичен тенис“, изјави Ѓоковиќ по победата.
Останатите четвртфинални двојки ги сочинуваат Хуберт Хуркач и Русинот Даниил Медведев и Германецот Александар Зверев и Шпанецот Карлос Алкараз, пренесува Индекс.
Ова е 11-ти пат во кариерата на Ѓоковиќ да се пласира во полуфиналето на Австралија опен, а во сите 10 претходни случаи кога стигна до оваа фаза, на крајот ја освои титулата. За српскиот тенисер ова е воедно 33-та последователна победа на Австралија опен, последен пат загуби во 2018 година, во 4. коло од Кореецот Хјеон Чунг.
