Воздухопловна тревога утринава е прогласена ширум Украина
Во текот на изминатата ноќ и утринава Русија започна нови напади врз неколку украински региони. Експлозии одекнаа во регионите Черкаси, Хмелницки, Киев, Ривне и Виниција, пренесе Би-Би-Си, цитиран од БТА. Шефот на администрацијата на регионот Черкаси, Игор Табуретс, пријавил напад што се случил во текот на ноќта, без да прецизира каде точно. Сепак, според Би-би-си, ова се случило во близина на градот Смела. Таму е забележан голем пожар.
Воздухопловна тревога утринава е прогласена ширум Украина.
Лидерите на регионите Хмелницки и Киев известуваат дека воздушната одбрана функционира. Во градот Хмелницки, струјата престана. Експлозии се слушаат во регионот Ривне, каде има проблеми со струјата.