Регулаторната комисија за енергетика ги објави новите малопродажни цени на нафтените деривати, кои стапуваат во сила вечерва на полноќ. Според одлуката, бензините поскапуваат за 0,5 денари по литар, додека цената на дизелот се зголемува за 1 денар.
Од утре, ЕУРОСУПЕР 98+ ќе се продава по 75,5 денари за литар, а ЕУРОСУПЕР 95 ќе чини 73,5 денари за литар. Малопродажната цена на ЕУРОДИЗЕЛ ќе изнесува 69 денари по литар.
Зголемување има и кај екстралесното масло за домаќинство, чија цена се покачува од 67 на 68 денари за литар. Мазутот, пак, поскапува за 0,6 денари и ќе се продава по 34,5 денари за килограм.
