Додека јавната администрација е пренатрупана со вработени, а дел од нив седат дома и земаат плата, Министерството за здравство бара 14 административци, од кои 12 да бидат Македонци, еден Ром и еден Турчин. На конкурсот за ова работно место не се бара ниту еден Албанец. Конкурсот е објавен во “Службен весник“ од Агенцијата за администрација.
- Раководител на одделение за мобилност и вработување во државна служба
- Раководител на сектор за коoрдинација и стратешко планирање
- Раководител на одделение за превентивна здравствена заштита
- Помлад соработник за анализа на болничка дејност
- Помлад соработник за Административна поддршка за техничка имплементација на ИПА проекти
- Раководител на одделение за буџетска контрола
- Помлад соработник за следење и подготовка на извештаи за реализација на буџетот,
- Помлад референт за прибирање на податоци и ажурирање во системот за податоци (Ром)
- Помлад референт за прибирање на податоци и ажурирање во системот за податоци
- Раководител на одделение за координација на возен парк и општо технички работи
- Помлад соработник за подготовка, координирање и планирање на активности од одделение
- Самостоен референт за техничка обработка и внесување на податоци во дата базата
- Помлад соработник за Администрација и техничка поддршка за дата база (Турчин)
- Помлад соработник за правна поддршка за спроведување на постапка за јавни набавки
Од Министерството за здравство, за ТВ21 велат дека во овој ресор не е предвидено вработување на Албанци, бидејќи има рамноправен баланс. Вработени се 62% Македонци, 34% Албанци, само по еден Ром, Влав и Бошњак.
Огласот за вработување е објавен на 7-ми октомври и ќе трае 15 работни дена. Во ресорот здравство нема вработен ниту еден Турчин.
