Пристига времето кога ќе биде претставен новиот „Ајфон 13“, а шпекулациите, кои го привлекуваат вниманието, е дека истиот ќе овозможува сателитски разговори.
Ова го тврди познатиот аналитичар Минг-Чи Куо, а истото значи дека мобилните телефони ќе можат директно да се поврзат со „Сателитите во ниската Земјина Орбита“ (ЛЕО) благодарение на чипот „Квалком Икс-60“.
Сателитите ЛЕО се најпознати како „рбетот“ на мрежата на „Старлинк“, која има за цел да ја покрие Земјата со интернет, но „Старлинк“ не е единствената компанија која користи ЛЕО сателити за поврзување.
Тоа го прават и „Хјузнет“ и „Уанвеб“ кои ги здружија силите со цел да понудат конкуренција, а и „Имарсат“ најави своја 5Г констелација.
Уште поважно за оваа шпекулација за „Ајфон“, е „Глобалстар“, којшто доби значајна вредност на почетокот на оваа година, кога „Квалком“ објави дека претстојниот чип „Икс-65“ ќе ја поддржува технологијата на „Глобалстар“. Како новата функција ќе влијае на батеријата, допрва ќе се покаже.