Социјалната мрежа Твитер воведува платени содржини за некои профили како нов начин за награда на создателите на содржини.
Се работи за дел од стратегијата на социјалната мрежа да ја зголеми својата публика, но и да си ја намали зависноста од приходите од реклами.
Таканаречените „инфлуенсери“, како што се познавачите за шминка или спорт, отсега ќе можат да имаат и „суперследачи“ кои ќе добиваат ексклузивна содржина со претплата од 3, 5 или 10 долари месечно.
„Како „суперследач“, ќе може да учествувате во дискусии во кои пристап имаат само привилегираните претплатници“, изјави претставничката на Твитер, Естер Крофорд.
Таа, притоа, нагласи оти јавните досегашни објави нема да исчезнат.
