Од коронавирус почина заменик градоначалникот на Град Скопје, Енвер Малиќи

Како последница на коронавирус и други болести, утрово во приватната клиника „Систина“ починал заменик градоначалникот на Град Скопје, Енвер Малиќи.

Петре Шилегов, градоначалникот на Скопје, го назначи Енвер Малиќи за негов заменик пред три години, во 2017 година.

Малиќи беше сопственик на фирмата „Гемак трејд“ и советник во Советот на Град Скопје од редовите на ДУИ.