AlbanianBulgarianEnglishGreekMacedonianSerbianTurkish

Од утре пообилни дождови – ова е временската прогноза

Најмногу дожд има наврнато во Крушево и Пожаране, соопшти Управата за хидрометеоролошки работи (УХМР).

Според податоците, во изминатите 24 часа на овие места наврнале 21 литар на метар квадратен.

Во Крива Паланка има наврнато 20 литри на метар квадратен, во Ѓуриште – 19, Куманово – 16, Маврово и Битола – 15, Скопје – Петровец – 14, Тетово – 13, Скопје – Зајчев Рид, Штип и Виница – 12, Демир Капија и Струмица – девет, Дебар – осум, Претор, Тополчани, Гевгелија, Дојран – седум, Прилеп и Берово – пет, Охрид – два литра на метар квадратен.

Под влијание на поголема влажна воздушна маса, утре ќе се задржи претежно облачно и студено време со повремени врнежи од дожд. Врнежите повремено ќе бидат пообилни и понекаде ќе надминат 20 литри на метар квадратен за 24 часа, а на места ќе се со пороен карактер и проследени со засилен ветер.

Во понеделник, како што информира УХМР, ќе има и услови за појава на краткотрајна нестабилност.