Надеж за оптимистички расплет за европската иднина и почеток на преговорите со Европската унија беше искажана од голем број говорници на седницата на Советот за евроинтеграции. Вицепремиерот Бујар Османи рече дека очекувањата од деновите што следат се големи и дека ова се историски мигови за Северна Македонија. Очекувам јасна одлука за почеток на преговорите, рече Османи бидејќи, како што додаде и американскиот Стејт департмент оцени дека тоа што го направи нашата земја треба да се земе како редок пример а не да се игнорира од Европската унија.
Со различно гледање настапи претседателот на Советот за евроинтеграции Никола Попоски кој рече дека дебата околу датум за преговори е само изборна реторика, но притоа додаде дека преговори ќе има но по некоја друга методологија, а членството ќе биде многу долг процес.
Заменичката на Советот Ивана Туфегџиќ истакна дека уште едно одложување на датумот ќе биде рушење на кредибилитетот на Европската унија. Ние направивме тешки чекори и сериозни жртви и не може да се каже дека се работи за за подарок туку дека си ја одработевме задачата, истакна таа. На денешната седница покрај членовите на Советот присуствуваа и амбасадори на земјите членки на Европската унија.
