Руски ТВ-новинар, кој во живо протестираше против војната на рускиот претседател Владимир Путин, е осомничен дека бил отруен во Франција откако мистериозно се разболел.
Марина Овсијаникова во четвртокот била пренесена во болница откако наводно забележала бел предмет на вратата од нејзиниот стан во Париз. Оваа 45-годишна жена повикала брза помош бидејќи наеднаш почнала да се чувствува лошо откако ја отворила вратата од станот.
Таа рече дека се сомнева дека била отруена, а вештаците од судска медицина биле испратени да го прегледаат нејзиниот дом.
Кристоф Делор, генерален директор на Репортери без граници (РСФ), рече дека се сретнал со Овсијаникова откако и се слошило пред нејзината куќа.
Тој, пишувајќи на платформата „Х“ (Твитер), рече дека не е исклучена можноста Овсјаникова да е отруена, иако за среќа веќе се чувствува подобро.
Отворивме истрага“, изјави портпаролот на Обвинителството.
„Таа рече дека не се чувствува добро. Сè што имаме за сега е само она што таа го кажа“, додаде тој.
РСФ соопшти дека нивниот тим бил „со неа“ откако таа го упатила итен повик – но не беа дадени дополнителни детали по инцидентот.
Поранешниот уредник на руската државна телевизија Први Канал во март минатата година протестираше во живо против војната во Украина и со тоа стана национален „херој“ и се најде на светските насловни страници. Таа стана вистинска хероина на борбата за слобода на говорот и медиумите, по шест секунди во високо гледаното шоу „Време“ зад водителот држеше плакат на кој пишуваше дека руските медиуми го лажат народот и дека не треба да му се верува.
Престанете со војната, не верувајте во пропагандата, ве лажат“, рече таа. Тогаш програмата ненадејно заврши и се префрли на друга програма, а Овсијаникова, чиј татко е Украинец, во претходно снимено видео рече: „Она што се случува во Украина е злосторство, а Русија е агресорот“. Одговорноста за таа агресија почива на совеста само на една личност. Таа личност е Владимир Путин. Татко ми е Украинец, мајка ми е Русинка и тие никогаш не биле непријатели. Ѓерданот околу мојот врат е симбол дека Русија мора веднаш да ја прекине оваа братоубиствена војна и дека нашите братски народи се помират“, рече таа.
Таа потоа објасни дека е штета што изминатите неколку години работи на пропагандата на Кремљ на Канал 1 и дека го „зомбирала“ рускиот народ.
„Бевме тивки во 2014 година кога сето ова само што почнуваше. Не излеговме да протестираме кога Кремљ го отру Навални. Едноставно го гледавме овој нехуман режим, а сега цел свет се сврте против нас. И уште десет генерации наши потомци нема да се измијат од срамот на оваа братоубиствена војна. Ние сме Руси: знаеме да размислуваме за себе и сме интелигентни. Само во наши раце е да го запреме ова лудило. Излезете да се заштитиме. Не плашете се од ништо. Не можат сите да не затворат“, рече тогаш таа.
Мајката на две деца беше казнета со 460 фунти за нејзиниот храбар протест, но тоа не ја спречи да продолжи со своето противење на војната на Путин.
Украинскиот претседател Володимир Зеленски и се заблагодари во едно од неговите видео обраќања. „Благодарен сум на оние Руси кои не престануваат да се обидуваат да ја пренесат вистината. На оние кои се борат со дезинформации и им ја кажуваат вистината, вистинските факти на своите пријатели и најблиски. А особено сакам да и се заблагодарам на жената која влезе во студиото на Првиот канал со плакат на кој се изјавува против војната“, рече тогаш Зеленски.
За време на протестот во Москва на кој и самата протестираше, Овсијаникова држеше и плакат на кој пишуваше: „Путин е убиец, неговите војници се фашисти.“ После тоа, таа беше уапсена и ставена во домашен притвор. Таа и нејзината ќерка успеале да побегнат во текот на ноќта, пишува Јутарњи лист.
РСФ ѝ помогнаа во нејзините напори да избегне судење во Москва и потенцијална затворска казна, и на крајот успеаја да и помогнат да започне нов живот во Париз. Но, претходно овој месец, московскиот суд ја осуди Овсијаникова на осум и пол години затвор за ширење лажни информации за руската армија.
Имено, Русија во 2022 година донесе закон според кој секој за кој се смета дека ширел „лажни“ информации за војната во Украина може да добие затворска казна до 15 години.