Исхраната е клучна причина кога станува збор за секаков вид на срцеви заболувања. Бидејќи исхраната е тесно поврзана со здравјето на срцето, важно е што внесуваме во организмот.
Според Светската здравствена организација, околу 17,9 милиони луѓе годишно умираат од болести на срцето и крвните садови во светот. Најчеста форма на срцева болест е коронарната артериска болест.
Работите како консумирање многу заситени масти и транс масти може да доведат до повисок холестерол, што може негативно да влијае на здравјето на артериите предизвикувајќи таложење на наслаги. Високиот крвен притисок, недоволното вежбање, дијабетесот и вишокот килограми се исто така водечки фактори на ризик за срцеви заболувања.
Бидејќи исхраната и начинот на живот се толку тесно поврзани со здравјето на срцето, д-р Вилијам Дејвис, кардиолог и автор на најпродаваната книга „Супер Гут“ на NY Times, откри која храна е најдобра за срцето.
Иако има многу намирници кои се здрави за срцето, д-р Дејвис сака луѓето да посветат посебно внимание на една.
“Мојата омилена храна за здравјето на срцето која многу луѓе ја запоставуваат е кимчи, традиционално јадење односно ферментирана зелка која е популарна во Кореја и често се јаде со секој оброк. Процесот на ферментација значи дека обично се присутни многу корисни микробни видови. Овие микроби создаваат многу придобивки. Тие вклучуваат низок шеќер во крвта, намалена отпорност на инсулин, намалено воспаление низ телото и производство на витамини Б1, Б2, Б7 и Б9“, рече тој.
Со други зборови, ферментираната храна може да ви помогне да имате здрава цревна микробиота, што пак може да помогне да се намали ризикот од нешта како висок крвен притисок и хронично воспаление, кои се фактори на ризик за кардиоваскуларни болести.
Според Harvard Health, постои огромна врска помеѓу микробите кои се наоѓаат во вашето црево и вашиот кардиоваскуларен систем, што значи дека одржувањето на здрави црева исто така може да ви помогне да имате здраво срце.
