Во мирна улица во Загреб, на првиот кат од зграда стара 124 години, се наоѓа гарсоњера од 18 метри квадратни. На платформа за продажба на недвижен имот објавен е оглас за продажба токму на овој стан.
Во огласот се наведува дека станот е полн со светлина со поглед на големата градина. Има и поткровје од околу 10 квадрати и има сопствен водомер, така што месечните комуналии се околу 40 евра.
Станот е убаво уреден и судејќи по сликите од огласот има една соба, бања и кујна.
Сопственикот на станот aпелира да не му се јавуваат „оние кои сметаат дека цената е смешна, кои мислат дека е превисока или оние кои истакнуваат дека другите имоти се поевтини“.
Не е ни чудо што сопственикот инсистира да му се јават само сериозни купувачи бидејќи овие 18 квадрати во Загреб чинат 90.000 евра.
