Папата Франциско го повтори повикот за прекин на огнот во Појасот Газа

Поглаварот на Римокатоличката црква, папата Франциско, денеска го повтори апелот за итно воспоставување на прекин на огнот во блокираниот Појас Газа.

„Го повторувам мојот апел за исцрпеното и напатено цивилно население да добие пристап до хуманитарна помош, а заложниците веднаш да бидат ослободени“, рече папата Франциско за време на неговата редовна неделна аудиенција во Ватикан.

Папата, исто така, изрази длабоко жалење за страдањата на членовите на персоналот на хуманитарната организација World Central Kitchen (WCK), кои беа убиени во израелските напади додека беа ангажирани во дистрибуцијата на помош во Газа.

Седум хуманитарни работници на WKC загинаа во израелските воздушни напади во вторникот, тројца од Велика Британија и по еден од Палестина, Австралија, Полска и еден хуманитарец кој имал двојно американско-канадско државјанство.

Следете го 4NEWS.mk на друштвените мрежи Facebook | Twitter | Instagram, како и преку нашиот Viber чет.
spot_img

Најважното