Претседателот на државата Стево Пендаровски за денеска го свика Советот за безбедност и тоа во проширен состав, а во соопштението испратено до јавноста, се отркиваат и темите за кои ќе биде разговарано.
Седницата, како што се вели, ќе виде посветена на лицата од Авганистан прифатени на нашата територија, и за поставеноста на системот за управување со кризи.
Покрај членовите на Советот за безбедност, на покана на претседателот Пендаровски на седницата ќе присуствуваат директорот на Агенцијата за национална безбедност, Виктор Димовски, директорот на Агенцијата за разузнавање, Еролд Муслиу, директорот на Центарот за управување со кризи, Стојанче Ангелов и директорот на Дирекцијата за заштита и спасување, Беким Максути.
На 30 август, преку Тбилиси, Грузија на Меѓународниот аеродром Скопје пристигнаа првите 149 граѓани од Авганистан.