Српскиот министер за образование Бранко Ружиќ рече дека платите за оние кои работат во образовниот сектор ќе бидат зголемени за 12,5 отсто во јануари, што е „голем чекор со оглед на украинската и енергетската криза“, објави српскиот весник Данас.
Ружиќ во етерот на српската национална ТВ РТС, цитирана од „Данас“, рече дека синдикатите сметаат дека тоа „не е доволно“, но важно е да се сфати дека државата и во претходните години работеше на покачувања во одделни сектори и овој тренд е постојан.