САД употребија шест бомбардери Б2 за да фрлат 12 бомби за „разбивање бункери“ врз Фордоу, изјави официјален претставник за Си-Ен-Ен.
Подморници на морнарицата испалиле 30 крстосувачки ракети TLAM врз две други локации – Натанц и Исфахан, а Б2 фрлила две бомби за разбивање бункери врз Натанц, изјави официјалното лице.
Бомбата GBU-57A/B Massive Ordnance Penetrator, позната како „бункер-разбивач“, е бомба од 13.600 килограми.
Дизајниран е да „достигне и уништи оружјето за масовно уништување на нашите противници кое се наоѓа во добро заштитени објекти“, се наведува во информативниот лист на американската морнарица.
Американски авиони нападнаа три нуклеарни постројки во Иран – во Натанц, Исфахан и објектот за збогатување ураниум во Фордоу, кој се смета за една од најважните цели за Израел во неговиот тековен конфликт со Иран.
Американскиот претседател Доналд Трамп изјави дека САД извршиле напади што „целосно и тотално ги уништиле“ клучните постројки за збогатување ураниум во Техеран.
Тој му се закани на Иран со нови напади ако Техеран не склучи мир, објави ДПА.