Поранешната прва дама на Масачусетс и активистка за ментално здравје, Џоан Кенеди, првата сопруга на покојниот сенатор Тед Кенеди, почина во својот дом во Бостон на 89 години.
Семејниот портпарол потврди дека Џоан мирно заспала во средата рано наутро, опкружена со најблиските.
Љубов и брак со член на славната политичка династија
Џоан беше во брак со сенаторот Тед Кенеди 24 години, а заедно добија тројца деца – Карa, Тед помладиот и Патрик. Нивниот брак, често под внимателното око на јавноста, ги следеше успесите и падовите на едно од најпознатите американски политички семејства.
Тед Кенеди е роден на 22 февруари 1932 година, а почина на 25 август 2009 година. Едвард Мур Кенеди беше американски адвокат и политичар кој служеше како сенатор на Соединетите Држави од Масачусетс. Член на Демократската партија и дел од познатото семејство Кенеди, тој беше втор највозрасен член на Сенатот кога почина. Тед почина на 77 години.
Џоан Бенет Кенеди е родена на 2 септември 1936 година. Вирџинија Џоан Кенеди е американска социјалитка и првата сопруга на сенаторот Тед Кенеди. Тед и Џоан се венчаа на 29 ноември 1958 година и заедно имаат тројца деца.
Храбро проговори за зависност и депресија
Години наназад водеше тешка борба со алкохолизмот и депресијата, но наместо тоа да го крие, стана една од првите јавни личности во Америка која отворено зборуваше за проблемот со зависност. Благодарение на својата искреност и борба, многу жени низ земјата беа охрабрени да побараат помош и да не се срамат од своите слабости.
Глас за ментално здравје и поддршка на зависници
Подоцна, Џоан Кенеди стана застапник за ментално здравје и програми за лекување на зависности, посветувајќи го своето време и влијание на подигање на свеста за овие прашања. Иако нејзиниот живот беше обележан со слава и трагедии, таа остави наследство на сочувство, храброст и верба во опоравување.