„Покрај коронавирусот, ракот ми изгледаше како шега“, вели Џеф Бриџис

Познатиот актер Џеф Бриџис на својата интернет страница посочи дека бил заразен со ковид-19 во месец јануари и престојувал во болница со недели.

Тој додава дека тоа се случило во истовреме додека бил и на хемотерапија за ракот, а заразена била и неговата сопруга Сузан Гестон.

Според неговото сведоштво, неговата сопруга била во болница пет дена, додека пак тој бил пет недели.

„Причината поради којашто бев таму толку долго е тоа што мојот имунолошки систем беше истрошен од хемотерапијата. Мојот ’танц‘ (со Ковид-19) направи мојот рак да изгледа како шега“, додава тој.

Актерот објави и дека неговиот рак е во фаза на ремисија. Нему му беше откриен лимфом минатиот октомври.