Полицискиот час што беше воведен од 22 март, како резултат на пандемијата од КОВИД-19, сериозно влијаеше и на бројот на сообраќајни незгоди на патиштата во државата. Сообраќајната статистика покажува рекордно намалување на бројот на сообраќајни незгоди и жртви во нив.
За времетраењето на ограничувањето на движењето на граѓаните генерално во текот на целиот период бројката на сообраќајни незгоди бележи сериозна надолна тенденција. Во просек бројот на сообраќајни незгоди во овој период во споредба со изминатите години е намален за повеќе од 30 проценти. Статистиката покажува дека најкритичните денови во овој период се петок и понеделник, кога сообраќајните незгоди најчесто се случувале.
Во првите четири месеци од оваа година на патиштата во Република Северна Македонија се случиле вкупно 2.157 сообраќајни незгоди, што претставува за 10 проценти намалување во споредба со 2019 година и за 15 проценти намалување во споредба со 2018 година.
Од почетокот на годинава се регистрирани и 24 сообраќајни незгоди со жртви, што е намалување за 20 отсто во споредба со 2019 и за 30 проценти во споредба со 2018 година. Сличен процент е регистиран и кај бројот на жртви во сообраќајни незгоди споредбено со изминатите три години.
Од почетокот на годинава се регистрирани и 24 сообраќајни незгоди со жртви, што е намалување за 20 отсто во споредба со 2019 и за 30 проценти во споредба со 2018 година. Сличен процент е регистиран и кај бројот на жртви во сообраќајни незгоди споредбено со изминатите три години.
.