Полска планира да префрли до 10.000 војници на границата со Белорусија за поддршка на граничарите, изјави полскиот министер за одбрана Мариуш Блашчак, цитиран од Ројтерс.
„Околу 10.000 војници ќе бидат распоредени на границата, од кои 4.000 директно ќе ја поддржат граничната стража , а 6.000 ќе бидат во резерва “, изјави Блашчак за полското национално радио.
„Ја придвижуваме армијата до границата со Белорусија за да го држиме во страв агресорот да не се осмели да не нападне“, посочи тој.
Полска е сè позагрижена за пограничната област бидејќи стотици платеници на Вагнер, закоравени од битката, пристигнаа во Белорусија минатиот месец на покана на белорускиот претседателАлександар Лукашенко.