Обилните дождови предизвикаа големи поплави во Истанбул, јави турската државна телевизија ТРТ-Хабер.
Најлоша е состојбата во истанбулското предградие Силиври, каде многу улици и булевари се целосно под вода.
Поплавени се канцелариите и приземјето. Голем број автомобили останаа заглавени. Поради обилните врнежи, сообраќајот во Силиври беше сериозно отежнат.
Продолжуваат напорите на екипите за одводнување на општината.
Метеоролозите предупредуваат дека во среда и четврток ќе продолжат обилните врнежи во Истанбул.