Уште 75 лица загинаа како последица на поплавите во Пакистан во изминатите 24 часа, со што бројот на загинати се искачи на 1.138 од почетокот на обилните монсунски дождови во таа земја, соопштија денеска пакистанските власти.
Најголем дел од смртните случаи се пријавени во северозападната провинција Кибер Пахтунхва и јужната провинција Синд, кои беа најтешко погодени од поплавите.
Спасувачките служби поддржани од армиски трупи се распоредени во Кибер Пахтунхва за да спасат стотици заглавени луѓе, бидејќи јужната провинција Синд стравува од ново можно излевање на реката Инд во следните неколку дена.
Воени хеликоптери спасија уште 33 туристи заробени во планините Кумрат.
