Според анализата за Западен Балкан, на веб страната Тинк Тенк, Центар за Современи политики во Белград, Договорот од Преспа меѓу Македонија и Грција е настан кој ја обележа 2018. “Договорот кој беше потпишан од министрите за надворешни работи на Македонија и Грција, Никола Димитров и Никос Коѕиас, на 17 јуни, се смета за најважниот настан на годината.
Договорот стави крај на спорот за името и обезбеди, земјата со име Република Северна Македонија да нема пречки на евроатланскиот пат“, се вели во анализата.
Освен Преспанскиот договор, акко настан на годината издвоени се и објавувањето на Стратегијата за проширување на ЕУ, извештаите на Европската комисија за секоја држава, обележувањето на почетокот на преговорите со Македонија и Албанија за 2019, Самитот во Лондон, либерализацијата на визите за Косово, изборите во Босна и Херцеговина, Резолуцијата на Европскиот парламент за Западен Балкан, отворање на поглавјата со Србија и Црна Гора и дијалогот меѓу Приштина о Белград.
