Претседателот на Бугарија, Румен Радев, остро ги осуди судирите меѓу демонстрантите и полицијата што се случија во центарот на Софија, при кои беа забележани сцени на вандализам што се сметаат за невидени во поновата историја на земјата.
„Насилството мора да престане. Ова не е судир меѓу полицијата и граѓаните, туку провокација со цел да се спротивстават едни на други,“ истакна Радев.
Тој нагласи дека провокациите не ја менуваат пораката на граѓаните: „Бугарските граѓани јасно кажаа НЕ на оваа влада. Решението е едно — оставка и предвремени избори.“
