Преку бројот за итни повици 112 е добиена пријава за запален автобус во велешката населба Превалец, кај капијата позната како „Ќиро Ќучук“.
Според првичните информации, во моментот на пожарот во возилото немало патници, а огнот зафатил само дел од задниот дел на автобусот.
Екипите на Територијалната противпожарна единица интервенирале на терен и го локализирале пожарот. Причините за избувнувањето на огнот се сè уште неутврдени.
Полицијата и надлежните служби спроведуваат увид на местото на настанот.