Европската Унија повика на стабилност во трансатлантските трговски односи откако Врховниот суд на САД пресуди со 6-3 гласови за поништување на сеопфатните царини на претседателот Доналд Трамп, објави Политико.
„Во близок контакт сме со американската администрација и чекаме разјаснување за чекорите што тие планираат да ги преземат како одговор на оваа пресуда“, изјави Олоф Гил, заменик-главен портпарол на Европската комисија. „Компаниите од двете страни на Атлантикот зависат од стабилноста и предвидливоста во трговските односи. Затоа остануваме посветени на ниските царини и работиме на нивно намалување“, додаде Гил.
Очекувања во Брисел
Се очекува ЕУ повторно да воведе царини преку други канали, како што е преку истраги според Член 232, кој веќе воведе царини за европски челик и алуминиум во минатото.
„Ја следевме оваа одлука, но очекуваме американската администрација да користи други правни инструменти за повторно воведување царини“, изјави француски дипломат за Политико.