Второ рочиште против Владимир и Миљана Кецмановиќ, родители на малолетната К.К. кој во мај минатата година го изврши масакрот во основното училиште „Владислав Рибникар“, во вторникот беше одржан во Вишиот суд во Белград. Бидејќи судењето беше затворено за јавноста, родителите на убиените деца на крајот од рочиштето чекаа пред судницата со фотографии од нивните деца во рацете. Адвокатите и на оштетениот и на одбраната се согласни дека јавноста треба да биде вклучена во судскиот процес.
Денешното рочиште траеше само час и половина. Иако беше планирано обвинетите да ги изнесат своите одбрани, тоа не се случи. Наместо тоа, заврши воведниот збор на бранителот во врска со предложените докази, а судењето ќе продолжи на 29 февруари.
На претходното, прво рочиште на 29 јануари, беше одлучено судењето да биде затворено за јавноста. Поради ова, на судењето не можеа да присуствуваат ниту родителите на убиените деца. Сепак, тие денеска дојдоа во судот и чекаа пред судницата додека не заврши рочиштето.
Тие на судот донесоа фотографии од нивните деца кои ги држеа во раце.
Правниот застапник на семејството Кечмановиќ, Ирина Боровиќ, за новинарите изјави дека излагањето на одбраната е одложено.
Друг претставник на семејството, Боривоје Боровиќ, потсети дека во понеделникот е донесена одлука за исклучување на јавноста од судењето и оцени дека е потребно да се размислува за промена на таа одлука, бидејќи е важно јавноста да биде информирана за текот на судење за да нема шпекулации.
Адвокатот на 27-те семејства на жртвите Огњен Божовиќ изјави дека не може да ги изнесе деталите од судењето, но неговиот став е дека треба да се вклучи јавноста бидејќи тоа е значаен социо-историски настан.
Како што појасни, потребно е како општество да направиме се за никогаш повеќе да не се повтори ваква трагедија.
