Денеска во Демократската унија за интеграција се одржува првата конститутивна седница на Централното претседателство.
Во ДУИ пристигнуваат именуваните функционери од партијата кои, според информациите, ќе даваат отчет за својата работа.
Министерот за надворешни работи Бујар Османи во изјава за медиумите посочи дека отчет ќе даваат сите лица кои се именувани од партијата.
Според него, прво е бирањето на секретаријатот, односно советничкиот тим на лидерот Али Ахмети.