Пушењето марихуана го зголемува апетитот. Но зошто? Истражувачите открија што се случува во мозокот. И ова може да помогне, на пример, во стимулирање на апетитот кај пациентите со рак.
Едно ново истражување од Соединетите Американски Држави покажало зошто секој што ќе се врати дома во ситните часови по консумирањето марихуана, прво го отвора фрижидерот и зграпчува се што ќе најде таму.
Истражувачите од Државниот универзитет во Вашингтон изложиле стаорци и глувци на пареа од канабис за да стимулираат одредени области на мозокот поврзани со апетитот. Потоа го набљудувале однесувањето на глодарите во исхраната, како на пример колку често јадат.
Доналд Абрамс, онколог од Универзитетот во Калифорнија, Сан Франциско, ги гледа резултатите како корисен додаток на постојните истражувања за медицинската употреба на канабисот.
„Стаорците не се луѓе“, рече Абрамс. „Но, како некој што студирал во 1960-тите, многу добро знам дека канабисот го поттикнува апетитот“, вели Абрамс, врз основа на искуството од неговите студентски денови.
Новите резултати од истражувањето секако би можеле да бидат корисни. На пример, луѓе кои се лекуваат од рак и немаат апетит. И важно е да јадат доволно за да останат силни.
Канабисот активира специфични неврони
Истражувачите изложиле стаорци и глувци на одредени количини на пареа од канабис. Количината била слична на она што просечниот човек го консумира кога користи канабис.
Потоа глодарите почесто барале храна, а истражувачите ја испитувале активноста на нивните неврони.
Тие откриле дека канабисот активира мала група специфични неврони во хипоталамусот. Хипоталамусот е познат по тоа што го контролира апетитот, но и функции како што се температурата на телото и расположението.
Кога активираат специфични неврони, тоа предизвикува наплив на сигнали поврзани со мотивацијата и движењето. Тоа е она што не тера нас луѓето да се тргнеме од каучот и да тргнеме во потрага по бонбони и храна.
Стаорците и глувците во студијата се однесувале слично: и тие тргнале во потрага по храна.
Како хемикалиите во канабисот влијаат на апетитот
Истражувачите потоа ја анализираа интеракцијата помеѓу хемикалиите во канабисот и мозочната активност поврзана со апетитот и внесот на храна. Канабисот ослободува хемикалии познати како канабиноиди: делта-9-тетрахидроканабинол (THC) и канабидиол (CBD).
THC и CBD ги активираат невроните во хипоталамусот за да произведат протеин наречен канабиноид 1 рецептор (рецептор CB1). Познато е дека CB1 рецепторот го зголемува апетитот и го стимулира внесот на храна.
Сепак, новата студија покажа дека хипоталамусот активира значително повеќе CB1 рецепторни клетки кога глувците видоа храна.
Истражувачите го тестирале ова со исклучување на соодветните неврони кај некои глувци и забележале дека канабисот значително помалку го стимулира апетитот.
Се вели дека медицинскиот канабис го стимулира апетитот
Лекарите се надеваат дека медицинскиот канабис може да се користи за пациенти кои биле подложени на хемотерапија и затоа имаат слаб апетит или за луѓе кои страдаат од анорексија.
Така беа развиени лековите на синтетичка основа. Тие се наменети да ги имитираат ефектите на канабисот. Меѓутоа, во некои студии, на пример за третман на анорексија, лековите не делувале сигурно.
Мишел Секстон, истражувач на Универзитетот во Калифорнија, Сан Диего, рече дека ова може да биде затоа што лековите се земале орално, што можеби не е толку ефикасно како пушењето канабис.
Секстон за ДВ изјави дека „доказите за ефектите на пареата од канабис врз апетитот не се доволно проучени“.
Канабисот сè уште е забранет во САД и во некои други земји, вклучително и во Германија. Дури и во американските држави како Колорадо и Калифорнија, каде што канабисот е достапен во аптеките, тој не е широко прифатен за медицинска употреба.
Но, Абрамс секако гледа позитивен ефект. „Канабисот е единствениот лек против гадење кој исто така го зголемува апетитот. „Добро е и за болка, несоница, анксиозност и депресија, па затоа често им го препорачувам на луѓето кои живеат со рак и за нивниот живот по ракот“, рече Абрамс.
