Рускиот претседател Владимир Путин денеска изјави дека украинскиот претседател Володимир Зеленски ги избегнува мировните преговори.
„Факт е дека Зеленски ги избегнува преговорите за мирно решение на конфликтот во Украина и се поставува прашањето зошто. Зашто, кога би почнале овие преговори, порано или подоцна, тоа би довело до укинување на воената состојба. Штом тоа се случи, тој ќе мора веднаш да оди на избори“, рече Путин во обраќањето на ТВ каналот „Россија 1“.
Според него, тогаш нема да има причина изборите во Украина да не се одржат.