Иран синоќа започна нов бран ракетни напади врз Израел, а според официјалните бројки од израелските служби за вонредни ситуации, најмалку четири лица се убиени, а повеќе од сто се повредени. Целите беа делови од централен Израел, вклучувајќи ја и областа околу Тел Авив.
Нападите се случија откако израелската војска потврди претходно денес дека извршила напади врз нуклеарната инфраструктура на Иран. Министерството за нафта на Иран тврди дека бил погоден складиштето за нафта Шахран во Техеран.
Иранскиот претседател Масуд Пезешкијан се закани дека одговорот ќе биде уште „потежок и посилен“ доколку Израел не се повлече. Во меѓувреме, Оман потврди дека разговорите меѓу Техеран и Вашингтон за нуклеарната програма на Иран, закажани за недела, се официјално откажани.
Краток преглед на нападите од синоќа
Иран и Израел продолжуваат со размена на воздушни напади во текот на ноќта
Еве ги клучните информации од синоќа:
- Иран испали најмалку два брана ракети кон Израел, а пријавени се експлозии во Хаифа, Тел Авив и Ерусалим – обемот на штетата сè уште не е познат.
- Шахран, најголемото нафтено складиште во светот, се запали по израелскиот напад, но Техеран тврди дека ситуацијата е под контрола
- Најмалку седум лица загинаа во Израел во текот на ноќта, според службите за итни случаи, додека локалните медиуми објавија дека осум лица загинале, а десетици се повредени или се водат како исчезнати.
- Иран сè уште не го објави вкупниот број на жртви од петокот, кога неговиот амбасадор во ОН пријави 78 мртви – дополнителни 60 жртви наводно беа убиени вчера во една населба во Техеран.
- Разговорите меѓу Иран и САД за нуклеарната програма, закажани за денес, се откажани, а американскиот претседател Доналд Трамп се закани со „невиден“ одговор доколку бидат нападнати американските бази.