Руските сили соборија украинско беспилотно летало кое се обидуваше да ја нападне нуклеарната централа Запорожје . Ова го тврди руското Министерство за одбрана, цитирано од Ројтерс.
Од одделението прецизираат дека не е причинета сериозна штета и нивото на радијација е нормално.
Беше кажано дека дронот бил соборен во близина на централата за нуклеарен отпад.
Во последниве недели , Москва и Киев се обвинуваа меѓусебно за гранатирање на нуклеарната централа Запорожје.
Денеска Меѓународната агенција за атомска енергија испрати своја мисија да изврши увид на локацијата.
Од март централата е под контрола на руските сили.
Претходно во август, генералниот секретар на ОН, Антонио Гутереш повика на повлекување на целиот воен персонал и воена опрема од нуклеарната централа Запорожје и „избегнување на какво било дополнително распоредување на воени сили или воена опрема на оваа територија“. Тој ја наведе и потребата да се запрат сите воени дејствија во реонот на АЕЦ и да не се напаѓаат објектите на централата и нејзината околина.
На 18 август, заменик-портпаролот на руското Министерство за надворешни работи, Иван Нечаев, го опиша како „неприфатлив“ предлогот на ОН за демилитаризација на областа околу нуклеарната централа.