Руските лидери остро реагираа на забраната за проруски воени обележја во поранешната советска република Молдавија, јавува германската агенција dpa.
Претходно оваа недела, Кишињев ги забрани симболите „Z“ и „V“, кои претставуваат поддршка за војниците кои се борат во Украина, и лентата „Свети Ѓорѓија“, ознака за поддржувачите на рускиот претседател Владимир Путин и проруските сепаратисти во Украина.
„Бидете внимателни кога станува збор за Русија и нејзините симболи“
Рускиот пратеник Алексеј Пушков и се закани на претседателката Маја Санда дека нејзината земја ќе заврши на „историска буниште“.
„Треба да бидеме малку повнимателни кога станува збор за Русија и нејзините симболи, особено имајќи предвид дека Кишињев не може да плати за рускиот гас“, рече Пушков. Молдавија е силно зависна од рускиот гас.
Одлуката за забрана на споменатите симболи Санду ја образложи со тоа дека тие придонесуваат за поделба во земјата и дека им е местото на „ѓубриштето на историјата“.
Молдавија не се приклучи на санкциите против Русија
Молдавија, која се наоѓа меѓу Украина и Романија, бара членство во ЕУ, но на 9-ти март објави дека не сака членство во НАТО, велејќи дека принципот на неутралност е содржан во уставот на земјата.
Кишињев испрати хуманитарна помош во Украина, но се воздржа од испраќање воена опрема и оружје. Со оглед на неутралниот статус на земјата, Молдавија не се приклучи на западните санкции против Русија.
