Руското демократско друштво во Србија во сабота на 24 декември во Белград ќе организира антивоен марш на кој ќе побара итно повлекување на руските војници од територијата на Украина, јави белградската агенција Бета.
„Слободните граѓани на Русија протестираа од првиот ден против војната во Украина и покрај заканите, апсењата и нападите. Нивните сонародници во странство одеа на антивоени собири и демонстрации во многу градови низ светот. Вакви акции неколкупати се одржаа и во Белград “, се вели во пораката.
На 24 декември ќе се навршат десет месеци откако „рускиот диктатор“ нареди војската да ја нападне соседната земја, забележаа организаторите. Поворката ќе започне околу 15:00 часот на Плоштадот на Републиката и ќе стигне до Руската амбасада во Белград.
Руското демократско општество ги покани граѓаните да го поддржат митингот.