Рускиот суд го казни Гугл со 87 милиони евра

Московскиот суд го казни Гугл со 87 милиони евра поради систематско одбивање да ги отстрани информациите кои Русија ги смета за незаконски, јавува Би-Би-Си. Ова е прва ваква казна изречена во Русија.

Земјата го засили притисокот врз големите технолошки компании. Критичарите велат дека кампањата е обид на Москва да воведе построга контрола на Интернет, што би можело да ги ограничи индивидуалните и корпоративните слободи, според Ројтерс.

Според Роскомнадзор, од почетокот на годината Гугл подготвил 16 протоколи за систематско неотстранување на информациите забранети во Русија.

Во такви случаи, казната ја одредува судот, а таа може да изнесува од 5 до 10% од годишната добивка на компанијата.

За претходната година, прометот на руското претставништво на Google надмина 85 милијарди рубљи.

Роскомнадзор започна слична постапка против Facebook. Денеска се очекува и одлука за тоа.

Поврзани вести

Најважното