Поврзи се

Македонија

Самарас: Како да се ослободиме од Договорот од Преспа без да ја платиме цената?

Published

on

Политичкото прашање е како ќе се ослободиме од Договорот од Преспа, без да ја платиме цената, порача поранешниот грчки премиер Андонис Самарас при неговото обраќање на 13-от Конгрес на владејачката Нова демократија, јави дописничката на МИА од Атина.

 – Политичкото прашање е како ќе се ослободиме, без да ја платиме цената. И ова не е лесно, бидејќи не може да се случи преку ноќ, бидејќи станува збор за договор што не оди напред, ниту внатре, ниту надвор, ниту на Балканот, ниту во Европа. Го разбирам она што го кажува премиерот дека не можеме да се ослободиме од овој договор преку ноќ, бидејќи така сакаме. Но, и не можеме да разубавуваме еден договор што ние самите го имаме негативно оценето како штетен и неприфатлив и што не оди напред. Засега, ние мора да ја заштитиме Грција од негативните последици од договорот, да ги искористиме сите проблеми што ги создава и сите негови слабости, а пред сè, да ја зајакнеме Грција и нејзината преговарачка позиција, за потоа да можеме да постигнеме, земјата да биде оправдана, целосно оправдување на Македонија и нејзиниот грчки карактер, од кое не се откажуваме и немаме право да се откажеме, рече Самарас и изнуди аплауз од присутните на конгресот на Нова демократија.

-Текстот продолжува по рекламата-

Поранешниот грчки премиер коментира дека и во пракса се покажало дека е штетен и неприфатлив договорот, а Грција во Преспа „призна иредентизам што создава проблеми и со други земји во регионот“.

– Грција даде сè од старт и име и признавање на националност и признавање на јазик, а Скопје вети дека ќе направи некои отстапки во иднина, доколку оди напред нивната интеграција во Европа. Но, тоа не зависи ниту од нас, ниту од Скопје. Впрочем може други земји да стават вето. И тоа се случи. Франција, Холандија и Данска ставија вето, а Бугарија поставува сериозни проблеми за признавањето на таканаречениот македонски јазик. Па така, останаа само нашите целосни отстапки што беа направени на почетокот. А скопските идни обврски висат. Некои ни велеа дека ако го ставиме Скопје во НАТО, ќе го стабилизираме. Но, овде е чудното откако Скопје влезе во НАТО, започнаа сомнежите за самото НАТО, рече поранешниот грчки премиер и се запраша.

Извор: ТВ21

Реклама
4NEWS.mk

Вечерва внимавајте на овие патни правци: Снег паѓа без престан во овие градови низ земјава!

Македонија

Јовановски: Дали јас сум добивал подароци од Камчеви? Рускоска: Поголеми подароци од 1,5 милиони евра јас не знам

4NEWS.mk

Најдобар газда на светот: На своите работници им подели 10 милиони долари, најмалиот бонус е 50.000

4NEWS.mk

Дали самоубиството на 13-годишното девојче од Гостивар е поврзано со секта?

4NEWS.mk

Шверцери во документарецот го споменуваат и Саздо: „Нека знаат со кој си имаат работа“

4NEWS.mk

Овие четири хороскопски знаци важат за најдобри сопруги, а мажите кои се во брак со нив се вистински среќници

Македонија

Снегот пристигна и во Македонија – Зимска идила во Нижеполе (ФОТО)

Македонија

ТВ21 АНКЕТА: Еве од услугите на која банка најмногу се задоволни корисниците

4NEWS.mk

Скопјанец прободен со нож и оставен на улица

4NEWS.mk

Застрелан познат црногорски бизнисмен во Белград: Тргувал со оружје и имал силни политички врски

Реклама
WP2FB Auto Publish Powered By : XYZScripts.com