Се појави нов, потенок и полесен „Плејстејшн 5“

Порталот за видеоигри „Еурогејмер“ пишува дека во Велика Британија започнало да се појавуваат фотографии од понова, потенка и полесна верзија на „Плејстејшн 5“.

Еден од читателите испратил фотографии од новата конзола со поедноставна завртка за прицврстување на држачот, а самиот уред, според него, е и малку полесен.

Се чини дека од „Сони“ пуштиле нова дигитална верзија на својата конзола без никаква промоција, а истата е прво забележана во Австралија.

Оваа нова верзија, полесна за 300 грама, го носи кодот „ЦФИ-1100“.

Инаку, ова не е невообичаена практика за производителите кои ги менуваат своите уреди со текот на времето.