Најмалку 11 лица загинаа, а десетици се повредени кога автобус со средношколци на екскурзија се урна на најголемиот остров во Индонезија, соопшти во неделата полицијата.
Автобусот превезувал повеќе од 60 ученици и наставници од градот Депок на островот Јава до Лембанг, популарно туристичко место, кога се урна во саботата.
Учениците штотуку го прославија матурирањето и беа на училишна екскурзија кога автобусот ненадејно изгуби контрола и сврте налево, удирајќи во автомобил и три мотоцикли, изјави во неделата за AFP портпаролот на полицијата во провинцијата Западна Јава, Жил Абрахам Абаст.
„Од загинатите патници, девет се ученици, а еден наставник“, рече Абаст.
Во несреќата загинал и еден мотоциклист, 13 лица се тешко повредени, а 40 лица се полесно повредени, додаде тој.
Началникот на локалната сообраќајна полиција Унданг Сјариф Хидијат за телевизијата Компас изјави дека се сомнева дека сопирачките на автобусот откажале пред несреќата, но
Абаст рече дека полицијата се уште ги истражува причините за несреќата.