Северна Кореја денеска истрела балистичка ракета, соопштија јапонското Министерство за одбрана и војската на Јужна Кореја, неколку часа откако САД одделно испратија бомбардери Б-1Б на заеднички воздушни вежби.
Дополнителни информации не беа веднаш достапни.
Лансирањето на ракетата доаѓа пред последните подготовки за 11-дневните заеднички вежби меѓу Јужна Кореја и САД, што Пјонгјанг ги осуди.
Бомбардерите Б-1Б извршија посебни воени вежби со јужнокорејски и јапонски воени авиони претходно во средата.
Балистичките ракети на Северна Кореја се забранети со резолуциите на Советот за безбедност на Обединетите нации, кои воведоа строги санкции за нуклеарно вооружената земја.