Никола Мишковски попознат како шеф Никола од „Брза кујна“ постојано го гледаме на ТВ екраните каде со својот колега Марк Де Јонг секојдневно приготвуваат вкусни јадења за гледачите и натпреварувачите на кулинарското шоу, но исто така тој е и веќе позната јавна личност па се почесто е присутен и во медиумите.
Денес тој има голема причина за прослава. Тој со своите бројни фанови и пријатели сподели една прекрасна вестма тоа е дека Мишковски повторно стана татко на уште една ќеркичка.
– На свет ни дојде уште една мала принцеза. Фала ти Стефанија што ми го направи толку среќен и исполнет животот. Ве сакам, стои во објавата која познатиот готвач ја сподели на социјалните мрежи заедно со фотографија од розеви бебешки обувки.
Никола е горд татко на три деца. Од првиот брак го има синот Дарин, а со сопругата Стефанија ја имаат и ќеркичката Дарија.
