Со панел за економските перспективи на Западен Балкан денеска во Копаоник почна 31-виот по ред бизнис форум, а шефицата на канцеларијата на ММФ во Србија, Јулија Устјугова, рече дека меѓу земјите од Западен Балкан, Србија и Северна Македонија ќе продолжат да ги намалуваат своите фискални дефицити.
„Очекуваме дека фискалниот дефицит ќе продолжи да се намалува во Србија и Северна Македонија, а во другите земји ќе се врати на претходните нивоа, освен за една земја, тоа е Црна Гора, каде што очекуваме значително зголемување на фискалниот дефицит, кој всушност отсликува некои мерки спроведени во претходните години“, рече Устјугова.
Таа рече дека, сепак, фискалните биланси се подобрени во повеќето земји од Западен Балкан.
Кога станува збор за јавниот долг, таа рече дека во последните години е намален, но тоа не значи дека ризиците исчезнале.
„Овој надолен тренд лесно може да се смени и мислам дека е многу важно добро да се управува со мешавината на макроекономската политика. Така, нивото на јавниот долг е намалено, но цената на јавниот долг се зголеми.
