Евгениј Пригожин загина во авионска несреќа во Русија, објави Би-Би-Си. Со него загинаа уште девет лица, пишува Би-Би-Си.
Според Тасс, авионот се урнал во регионот Твер. Сите што беа во него починаа. Според Тасс, авионот летал од Шереметјево кон Св. Петербург. Во авионот имало тројца пилоти и седум членови на екипажот.
Тасс од итната помош дознава дека се пронајдени телата на четири лица. Додаваат и дека авионот изгорел на земја и дека летал помалку од половина час. Федералната управа за авијација започна истрага за несреќата. Одделот извести дека меѓу патниците во авионот бил и Евгениј Пригожин.
Евгениј Пригожин е основач на групата Вагнер. Платениците од Вагнер беа клучни во освојувањето на украинскиот град Бахмут во пролетта. Борбата за Бахмут траеше повеќе од половина година. Додека траеше битката за Бахмут, Пригожин секој ден сè повеќе го критикуваше руското воено раководство.
Работите кулминирале и на 24 јуни дошло до отворен бунт на Вагнеритите. Борците на Пригожин го зазедоа Ростов на Дон и неколку други места на југот на земјата и се упатија кон Москва. Во попладневните часови се одржаа преговори и Вагнер одби да влезе во руската престолнина. Како што беше најавено во следните денови, одлучено е Вагнерите, кои не се приклучуваат на руската армија, да бидат амнестирани и префрлени во Белорусија.
Во последните денови се зборуваше дека шефот на Вагнер е во Африка.